هذه المغارة داخلها كنز… !

يشهد الله انني كنت ناوي واحلم اذا توفقت في نبش الكنز اعطي جميع الناس بما فيهم متابعيني ومحبني كل واحد اطفي عينه بسهنته ..والاهم اننا بكرنا اليوم الفجر انا وحفيدتي الملقب ريم تزودنا بفدرة دخن ودبه ماء ورأسين بصل وكل بصلها قبل تصلها ..المهم عبرنا وادي ثوعه ومران انا وحفيدتي ريم ..وياريم وادي ثقيف ..لطيف جسمك لطيف .. ماشفت انا لك وصيف ..

 ولعد وصلنا الجبل إلا ولاعد معي وتله من عمري ..المهم ساعدتني ريم حتى تسلقت الجبل فحاولت ان اضرب بالمضرب من شان اوصل على الكنز ..وشفت ان الدنيا تدور بي من التعب وقدني الهف قلت لحفيدتي يابوش ساعديني ..ويابوش انا وامرفاق بكرة ارض امجبل مانبا امساحل ..

.المهم جلسنا نقرط كسرتنا ونرتشف عليها من الماء واوينا لدار ودير بالك ياشيبه ..المهم وصلت وقدني مدحمل وام الحسين سألتنا منين جيتوا قالت لها حفيدتي من هناك بعيييد وطلعنا امجبل ندور لمكنز ..وهات ياتوبيخ وانا مستلقي على ظهري ومشغل الصامت نتيجة وجع رجولي ورقبتي وام الحسين متبرمه وبلهجتها البدويه وتقول وشيدي قال لبوك تطلع امحيد وانت انسان شيبه مدقدق لو كان زليت وانكسرت باتتعب عيالي وبناتك دي هن لايسمعين ولاينطقين عجم وبرحمتهن بايموتين عليك ياهذا منسان امدارم وسلامتكم وهذا عمكم البدوي ..
محمد صائل مقط ..